Bu gün Snapdragon 845 haqqında ilk məlumatlar yayılıb. Qualcomm 10nm istehsal prosesinin artıq kifayət etmədiyini bildirərək istehsal prosesini Snapdragon 845-də 7nm-ə qədər kiçildəcəyini deyib. "Gələcəyin istehsal prosesi" kimi adlandırılan 7nm-ə Kirin, MediaTek və Nvidia-nın da keçməsi gözlənilir. Bəs istehsal prosesinin 7nm-ə düşməsi istifadəçilərə nə qazandıracaq?
Deyilənlərə görə istehsal prosesinin 7nm olması performansı 25-35% arasında yüksəldəcək. Bu performans artımına baxmayaraq daha az enerji istifadə ediləcək. Beləliklə cihazların batareya ömrü də daha uzun olacaq.
2018-ci ildə istifadəyə veriləcək Snapdragon 845-i ilk olaraq Samsung Galaxy S9-un istifadə etməsi gözlənilir. Galaxy S9-un çıxmasından sonra eyni ilə bu il də olduğu kimi digər markalar da Snapdragon 845 ilə işləyən smartfonlarını satışa çıxaracaqlar.
