Bu həftənin əvvəllərində Android Police adlı bir blog Google Pixel 2 XL-in dizaynını göstərən render görüntülərini yayımlamışdı. İki yeni Pixel smartfonunun da dizaynı LG G6 modelinə çox bənzəyir.
Qrafik dizayneri Benjamin Geskin indi də Pixel 2-nin ağ versiyasının render görüntülərini yayımlayıb. Yeni görüntüdə kamera tamamilə səhvdir, ancaq dizaynın geridə qalan hissəsinin sentyabr ayında satışa çıxacaq Google Pixel 2 ilə eyni olması gözlənilir.
Şəkildən də göründüyü kimi Google eynən LG kimi ekran çərçivəsini kiçiltmək mövzusunda çox da irəli getməyib. Nəticədə Pixel 2-nin ekran çərçivəsi iPhone 8 və Andy Rubin-in ötən ay yayımladığı Essential Phone modellərində olduğu qədər incə deyil.
