Google dünən təşkil etdiyi tədbirdə Android P-ni tanıtdı. Hər il olduğu kimi bu il də yeni Android versiyasının adını açıqlamayan Google, yəqin ki, adı istifadəçilərin rəyləri ilə təyin edəcək. Adını hər hansısa bir şirniyyatdan alacağı düşünülən Android P üçün indidən ad təxminləri başlayıb. Android P-nin təxmin edilən adlarına keçməzdən əvvəl daha öncəki Android versiyalarının adınlarına nəzər salaq.
- Android 1.5 Cupcake
- Android 1.6 Donut
- Android 2.0 Eclair
- Android 2.2 Froyo
- Android 2.3 Gingerbread
- Android 3.0 Honeycomb
- Android 4.0 Ice Cream Sandwich
- Android 4.1 Jelly Bean
- Android 4.4 KitKat
- Android 5.0 Lollipop
- Android 6.0 Marshmallow
- Android 7.0 Nougat
- Android 8.0 Oreo
Şirniyyat adlarından ilham alınaraq adlandırılacaq Android P-nin hal-hazırda təxmin edilən adları isə bunlardır: Pancake, Pound Cake, Pastille, Petit Four, Profiterole, Popsicle, Puff Pastry, Pumpkin Pie.
Android 9.0 P-nin adının rəsmi olaraq yay aylarında açıqlanması və 2018-ci ilin 3-cü rübündə isə Pixel və Android One modelləri üçün istifadəyə verilməsi gözlənilir.
