Türkiyənin oyun kompüteri markası Monster Notebook 13 ildir oyunsevərlər üçün yaratdığı yüksək performans və təsirli dizayna sahib məhsullarına yenilərini əlavə edib.

İstanbuldakı Moda Teras-da keçirdiyi bir tədbirdə oyun və texnologiya mətbuatı ilə görüşən marka iştirakçılara yeni məhsulları və gəlcək planları haqqında məlumatlar verib.

Tədbirdə iki fərqli dizayna sahib 5 model təqdim edildi. Bu modellər fərqli ehtiyaclara cavab verə bilir və şəxsi ehtiyaclar üçün zahiri görünüşü konfiqurasiya etmək mümkündür.

Tədbirdə çıxış edən Monster Notebook-un Korporativ Əlaqələr üzrə Meneceri Kayra Keri Küpçü Monster-in bir türk markası olması səbəbilə yeni məhsulları olan Tulpar və Abra-nın adlarının türk mifologiyasındakı qulyabanıların adlarından götürməyi seçdiklərini bildirdi.

Kayra Keri Küpçü-nün tədbirdəki çıxışı

Təqdim edilən modellərdən Abra A5 V13.1 Intel-in 8.nəsil Core i5-8300H prosessorunu və 4GB GDDR5 NVIDIA GeForce GTX1050 ekran kartını istifadə edir.

Abra A5 V13.2 modelində isə Core i7-8750H prosessoru və 4GB GDDR5 NVIDIA® GeForce GTX1050 ekran kartından istifadə edilib.

Abra seriyalı digər bir  model  yeni nəsil Coffe Lake prosessorlu Abra A5 V13.4-dür. Bu modeldə Core i7-8750H prosessoru və 4GB GDDR5 NVIDIA GeForce GTX1050 Ti ekran kartı mövcuddur.

Digər iki model daha əvvəl görünməmiş incəlik ilə diqqət çəkdi

Abra A5 V14.1 Core i7-8750H prosessorlu və 4GB GDDR5 NVIDIA GeForce GTX1050 Ti ekran kartına sahibdir.

Tulpar T5 V18.1 oyunçu leptopu 2sm qalınlığa  və 2.1 kg ağırlığa sahibidir. Amma yenə də Core i7-8750H prosessorunu və 6GB GDDR5 NVIDIA GeForce GTX1060 ekran kartını özündə birləşdirə bilib.