Şübhəsiz ki, Nokia 3310 2017-ci ilin ən çox danışılan modellərindən biridir. Yüksək dözümlülüyü və çox uzun batareya ömrünün olması ilə yaddaşlarda qalan Nokia 3310 modelinin müasir versiyası bütün gözləntilərin əksinə olaraq sensor ekranlı deyil, daha çox ilk versiyasını xatırladan bir görkəmlə satışa çıxdı.

İndi isə bu çox danışılan modelin kamera testlərinə nəzər salaq. Əvvəla qeyd edək ki, istehsalçı Nokia 3310-un yüksək səviyyəli kamera özəlliyi kimi bir vəd verməyib və yerləşdirilən 2MP kamera da bunu sübut edir.

Böyük Britaniyada edilən maraqlı qarşılaşdırmada Nokia 3310 və iPhone 7 kamera testində üz-üzə gəlib. Aşağıda hər iki model ilə çəkilmiş şəkillərə baxıb müqayisə edə bilərsiniz. Düşünürük ki, şəkillərin üzərində hansı model ilə çəkildiyini yazıb fərqləndirməyə ehtiyac yoxdur :)