Günümüzdə smartfon bazarında şirkətlərin daha kiçik, daha nazik smartfon istehsal etmək kimi bir rəqabətləri var. Lakin anlamalıyıq ki, smartfonların ölçüləri kiçildikcə dayanıqlılıqları da bir o qədər azalır. Ona görə də çətin şərtlərdə işləyən insanlar üçün xüsusi telefon modelləri istehsal olunur. Bu modellərin sırasına AGM A8 də əlavə olundu. Dünyanın ən dayanıqlı telefonu olaraq göstərilən AGM A8 çətin şərtlərdə keçirilən testlərdən uğurla keçib.




AGM A8 daxili özəlliklər baxımından da çox güclüdür!

AGM A8 5,0 düym böyüklüyündə 720x1280 keyfiyyətində ekrana sahibdir. Gücünü Qualcomm-un Snapdragon 410 çipsetindən alan telefonda 3 GB RAM yerləşdirilib. 13 MP arxa və 2 MP keyfiyyətində ön kamerası olan AGM A8 4050 mAh həcmində batareyası ilə 2 gündən çox istifadə vəd edir.

IP68 sertifikatına sahib olan cihaz suya və toza qarşı da dayanıqlıdır. AGM A8 üçün çəkilən bu qeyri adi videonu aşağıda izləyə bilərsiniz.