Azərbaycan görmə məhdudiyyətli insanlar üçün planşet kompyuterlər ixrac edəcək



Danışıqların aparılması planlaşdırılır. Azərbaycan görmə qabiliyyəti məhdud insanlar üçün “Braille Pad” planşet kompyuterlər ixrac edəcək. “Texnologiya.az” Oxu.Az-a istinadən xəbər verir ki, bunu “Braille Pad” layihəsinin rəhbəri Rəşid Əliyev deyib. Onun sözlərinə görə, may ayında Avropa şirkətlərinin biri ilə “Braille Pad” ekranının prototipinin istehsalı məsələsi ilə bağlı danışıqların aparılması planlaşdırılır. R.Əliyev qeyd edib ki, kütləvi istehsala Çində başlamaq nəzərdə tutulub: “Buna böyük maliyyə vəsaiti tələb olunur. Hesablamalarımıza görə, bu vəsait 1,5 milyon dolları ötə bilər”.